Hagen 2013

Våren er sein i år. I skrivande stund ligg framleis snøen i svære fenner somme plasser i hagen, mens andre stader er det så smått starta å bli bart. Men det er frost om nettene, ned i - 8, så det er tøft for dei plantene som ikkje har snø over seg. Og tela går djupt. Men våren er i emning. Her er 16 bilete tatt i hagen i dag, 5. april.
Gjer merksam på at biletet av Callianthemum anemonoides rett under her, IKKJE er frå min hage. Er berre tatt med for å visa korleis mine vonaleg blir når det lir litt på. Ei aldeles nydeleg fjellhageplante. Mine er av frø frå Rocky Mountain Rare Plants. Desverre eksisterer ikkje firmaet lenger. Og det er synd, for dei hadde mange artige frø av fjellhageplanter.

Dei neste bileta er tatt 16. mai. Framleis står bjørkeliene svarte, men temperaturen i dag, opp mot 16-17 gr. tilseier at nå må det vel vera like før lauvsprett.

~~~~~~~~~~~~~~

Dei neste bileta er tatt frå midten av mai og utover sommaren. Då snudde veret til sol og varme. Og mine to Callianthemum slo til for fullt, begge to.

~~~~~~~~